Скопје домаќин на Европскиот куп во џудо за јуниори

Скопје викендов ќе пулсира во ритамот на џудото.

Утре и другиден, 2 и 3 август, во спортската сала „Јане Сандански“ во Скопје ќе се одржи Европскиот куп за јуниори во џудо.

Станува збор за престижен меѓународен турнир во организација на Џудо федерацијата на Македонија, кој се бодува за светската ранг листа.

Над 300 млади џудисти од повеќе од 25 земји ќе се борат за бодови и слава на патот кон Европските и Светските првенства.

Европскиот куп е можност за македонските џудисти да ги одмерат силите со европската елита.