Скопје: Град заробен во ветувања и предизвици

Скопје одбележува 81 година од ослободувањето во Втората светска војна. На 13 ноември 1944 година, улиците на Скопје беа ослободени од фашистичкиот окупатор, а градот започна да пулсира како слободна метропола.

„Да се потсетиме со гордост на храброста и жртвата на сите што се изборија за нашата слобода. Нека духот на единството, достоинството и љубовта кон градот не води и понатаму да го чуваме и градиме Скопје како место на мир, култура и заедништво“, порача премиерот Христијан Мицкоски.

Визиите на политичарите за иднината на Скопје

По повод празникот, политичарите ја споделија својата визија за иднината на градот. Орце Ѓорѓиевски, градоначалник на Скопје, го замислува како град на слободни, горди и обединети луѓе. Премиерот Христијан Мицкоски го гледа како место на мир, култура и заедништво.

Венко Филипче, како лидер на опозицијата, нагласува дека „должност и обврска е да се бориме за модерно и праведно Скопје – град кој ќе се развива како европска метропола“.

„Хероите се бореа за идеја, за достоинство, за иднина и за Скопје какво што денес го имаме, а нашата должност е да ја чуваме нивната жртва жива и да го градиме Скопје како град на слободни, горди и обединети луѓе“, порача Ѓорѓиевски на средбата со претставници од Сојузот на борците.

Предизвиците на современото Скопје

И покрај историската гордост, Скопје денес се соочува со сериозни проблеми: нефункционален јавен превоз, пренасилена урбанизација, енормно загадување и нефункционални јавни претпријатија.

Градот води битка за чист воздух, повеќе зелени површини наместо бетонизација, празни контејнери наместо улици затрупани со ѓубре, автобуси кои доаѓаат на време и институции кои се во служба на граѓаните.

Што значи слободата денес?

Хероите ја оставија во наследство слободата, но и обврската да ја чуваме и унапредуваме. „Скопје заслужува да биде модерна европска метропола, град кој ќе им служи на граѓаните“, порача Филипче.

Извор: DW