Скопје ќе биде домаќин на светскиот пингпонгарски „крем“

Од 5 до 9 септември, во спортската сала „Јане Сандански“ во Скопје ќе се одржи WTT Youth Star Contender Skopje 2023, меѓународен натпревар во пинг-понг на кој учество ќе земат играчи кои котираат меѓу 10-те најдобри пингпонгари во светот.

Во машка конкуренција, на еден месец пред одржувањето на натпреварот пријавени се шестопласираниот и осмопласираниот на ранг листата на најдобрите играчи во светот, Французинот Хуго Дешамп и Чанкг Ју Ан од Тајпеј, како и петорангираната во женска конкуренција, Ли Даун од Јужна Кореја.

Ова е втор натпревар од ваков тип кој го организира пинг-понгарската федерација на Северна Македонија. Првиот се одржа минатата година од 7 до 11 септември, исто така во Скопје.