Собранието ја избра новата Влада која ќе ја предводи премиерот Димитар Ковачевски

Собранието ја избра новата Влада која ќе ја предводи премиерот Димитар Ковачевски

После дводневна дебата, со 62 гласа „за“, 46 „против“ и без воздржани, пратениците во Собранието ја изгласаа новата Влада која ќе ја предводи премиерот Димитар Ковачевски, која ќе брои 21 член.

Од кадрите на СДСМ, Славица Грковска е избрана за вицепремиерка за борба против корупција и криминал, одржлив развој и човечки ресурси; Славјанка Петровска за министерка за одбрана; Никола Тупанчевски за министер за правда; Љупчо Николовски за министер за земјоделство; Јована Тренчевска за министерка за труд и социјална политика; Бисера Костадинова Стојчевска за министерка за култура; Бојан Маричиќ за вицепремиер за европски прашања; Фатмир Битиќи за вицепремиер задолжен за економски прашања; Оливер Спасовски за министер за внатрешни работи и Благој Бочварски за министер за транспорт и врски.

Од ДУИ, повторно како и во претходната Влада избрани се Артан Груби за прв заменик премиер и министер за политички систем и односи меѓу заедниците; Бујар Османи министер за надворешни работи; Крешник Бектеши министер за економија; Фатмир Бесими министер за финансии; Насер Нуредени министер за животна средина и просторно планирање и Јетон Шакири министер за образование и наука.

Министерството за информатичко општество и администрација ќе го води Адмирим Алити од Алтернатива – партијата која е новиот партнер во владината коалиција, од каде исто така министер за здравство ќе биде Беким Сали, а Џемал Чупи министер без ресор задолжен за дијаспора. Министер за локална самоуправа останува Горан Милевски од ЛДП.

Во понеделник 17 јануари во 09.00 часот, во Владата на Република Северна Македонија ќе се изврши примопредавање на функцијата и кабинет помеѓу досегашниот премиер Зоран Заев и новоизбраниот, Димитар Ковачевски.

Прочитајте повеќе

Франција: Стотици илјади луѓе на протест за повисоки плати

Франција: Стотици илјади луѓе на протест за повисоки плати

Стотици илјади луѓе се приклучија на националниот штрајк и протестен ден организиран од синдикатите во …