Собранието одлучи да не му го одземе пратеничкиот мандат на Груевски

Собранието денеска одлучи да не му го одземе пратеничкиот мандат на поранешниот премиер и екс лидерот на ВМРО-ДПМНЕ, Никола Груевски.

Од вкупно 87 присутни пратеници, 58 гласаа „за“ одземање на мандатот, а 28 против. За одземање на мандат на пратеник потребно е двотретинско мнозинство од вкупниот број на пратеници односно минимум 80 пратеници.

Предлогот за одземање на мандатот на пратеникот Груевски беше доставен до пратениците од Kомисијата за деловнички и мандатно-имунитетни прашања врз основа на добиеното известување од Основен Суд Скопје 1 Скопје, за пресудата со која Груевски е осуден на казна затвор во траење од две години во случајот „Тенк“.

Комисијата во средата со мнозинство гласови препорача одземање на мандатот, но денеска не беше постигнато двотретинско мнозинство.

Одлуката на пратениците да не го му го одземат мандатот на Груевски, нема да го одложи издржувањето на затворската казна.

Извор: МЕТА