Специјална награда за „Витаминка“ за добар пример во областа на безбедност и здравје при работа

Прехранбената индустрија „Витаминка“ од Прилеп, од Министерството за труд и социјална политика и Националниот совет за безбедност и здравје при работа, доби специјална награда за добри примери во областа на безбедност и здравје при работа. Со ова високо признание се истакнуваат и потврдуваат континуираните активности во компанијата насочени кон значењето, улогата и неопходното унапредување на безбедноста и здравјето при работа на своите вработени.

Според организаторот на доделувањето на наградите, практиките на компанијата се прилагодени на крупните промени кои се случуваат во однос на работата, земајќи ги предвид технолошките, демографските промени, одржливиот развој, климатските промени и промените во делот на организацијата на работата.

Доделувањето на годишната награда е по повод одбележувањето на Светскиот ден за безбедност и здравје при работа и се спроведува со поддршка од Канцеларијата на „Friedrich Ebert Stiftung“ – Скопје. Се доделува на компании коишто се истакнале со своите активности во насока на безбедност и заштитата при работа.

 

Прочитајте повеќе

Премиерот Ковачевски се сретна со потпретседателот на Европската комисија Маргаритис Шинас

Претседателот на Владата на Република Северна Македонија Димитар Ковачевски, заедно со вицепремиерот Бојан Маричиќ и …