Средба Ковачевски – Шаленберг: Силна поддршка од Австрија, заслужен е исчекорот кон ЕУ

Средба Ковачевски – Шаленберг: Силна поддршка од Австрија, заслужен е исчекорот кон ЕУ

Претседателот на Владата на Република Северна Македонија Димитар Ковачевски, се сретна со Александер Шаленберг, сојузен министер за Европа и надворешни работи на Република Австрија.

На состанокот е изразена силна поддршка од Австрија за развојот на нашата држава и за исчекор во евроинтеграциите.

Пренесена е благодарност за навремените реакции на Република Северна Македонија и целосната усогласеност на политиките, со политиките на ЕУ, во врска со руската агресија во Украина.

Премиерот Ковачевски нагласи дека Австрија е традиционален и искрен пријател на Северна Македонија, меѓу најголемите инвеститори во земјава и голем поддржувач во евроаспирациите на државата, за што изрази и благодарност.

„Посветени сме кон практикување европски вредности, нашето законодавство е 45 проценти веќе усогласено со европските регулативи, посветени сме на принципиелен развој на добрососедски односи и оправдано оценуваме дека Северна Македонија заслужува исчекор во евроинтеграциите“, рече премиерот Ковачевски.

На средбата, заеднички е констатирано дека секоја држава треба да цели кон својот развој, но и кон развојот на своите соседи, бидејќи на тој начин е возможен вистински напредок на регионот.

Премиерот Ковачевски, ја истакна како историски моментум за нашата земја, одлуката на Вселенскиот Патријарх, г.г. Вартоломеј и на Светиот Синод на Вселенската Патријаршија, со којашто практично, нашата Црква, МПЦ-ОА, после седумдецениска изолација, е признаена како канонска црква.

На состанокот е разговарано и за повеќе актуелни прашања поврзани со последиците од војната во Украина, како што се снабдувањето со енергенси и храна.

Посочено е дека економската соработка помеѓу Северна Македонија и Австрија е добра, но дека постои простор за унапредување во областа на земјоделството.

Прочитајте повеќе

полиција полицајци

Двајца полицајци се сомничат дека примиле поткуп за да не констатираат сообраќаен прекршок

Тие се сомничат дека на 04.07.2024 околу 23.00 часот на ул.„Даме Груев“ во Скопје, при …