Општинска делегација на Крушево во работна посета на Корча, Албанија

Градоначалникот на општина Крушево, Томе Христоски во придружба на вработени во локалната самоуправа и претставници на невладината организација „Алка“, престојуваа во Корча, Албанија, кафе остварија работна средба со градоначалникот Сотираќ Фило.

На средбата било разговарано за проширување на соработката помеѓу двете општини и изработка на проект од Програмата за меѓугранична соработка преку ИПА 2 програмата на ЕУ. Исто така, се разговарало и за приоритетите при поднесувањето на заедничката апликација со искористување на она што е заедничко за Корча и Крушево – потеклото, традицијата, културата и обичаите на Власите.

При посетата на Корча градоначалникот на општина Крушево даде и свое итнервју за неколку албански медиуми преку кои порача дека интеграциајата во ЕУ и НАТО е од големо значење за општина Крушево и Северна Македонија, а прекуграничната соработка со Албанија ќе придонесе и кон зацврстување на меѓуетничките односи меѓу македонскиот и албанскиот етникум.

Во изјавата која крушевскиот градоначалник Христоски ја даде за неколку албански телевизии, истакна дека интеграцијата во ЕУ и НАТО на Република Северна Македонија е од големо значење за општина Крушево, пред се’ во однос на аплицирање на фондовите, особено оние кои се однесуваат на заедничкиот пристап со останатите земји кандидати за влез во ЕУ и НАТО. Во таа насока, Христоски напомена дека заедно со општина Корча, помината е првата фаза од повикот за дел од претпристапните фондови и се се работи на апликацијата за втора фаза и добивање на грант од околу 600.000 евра за инвестирање во туризмот.

Дополнително, потенцираше градоначалникот на Крушево, ваквиот тип на соработка придонесува за јакнење на соживотот, меѓуетничкото прифаќање и соработка меѓу припадници на различни етникуми.