ПУБЛИКУМ Вистината на прво место
Градоначалникот на општина Крушево, Томе Христоски, одржа средба со заменик амбасадорот на Швајцарија, Лусиен Агертер, со директорот на Агенцијата за промоција и поддршка на туризмот, Љупчо Јаневски, како и со повеќемина туристички работници.
На средбата се разговараше за развојот на туризмот во Крушево и за тоа што Општината може да им понуди на потенцијалните туристи.
„Општина Крушево забележува плодна соработка со амбасадата на Швајцарија во поглед на туризмот. Поддршката која ја добиваме е поддржана и од Агенцијата за туризам и евидентно е дека на тој начин реализиравме многу проекти. Но, Крушево има уште многу неискористен потенцијал и затоа продолжуваме да вложуваме во овој сектор“, изјави градоначалникот Христоски.
