Средба на претседателот Пендаровски со студенти на ФИНКИ, креатори на алатката за рекламирање „Ховитцер“

Претседателот Стево Пендаровски, денеска во рамки на проектот „Лице в Лице“, оствари средба со студенти на Факултетот за информатички науки и компјутерско инженерство – ФИНКИ, кои ја создадоа маректинг-алатката за рекламирање „Ховитцер“ (Howitzer) на американската социјална мрежа „Редит“ (Reddit).

Младите информатичари го запознаа претседателот Пендаровски со нивната иновација, начинот на кој дошле до продуктот и со постигнатите резултати, потенцирајќи дека таргет им е глобалниот пазар.

Претседателот Пендаровски им честита за иновацијата, посочувајќи дека оваа алатка не претставува само нивни личен успех, туку истовремено придонесува за афирмација на нашата држава.

На средбата претседателот истакна дека со нивното знаење, ентузијазам, тимска работа и упорност, ја реализирале нивната идеја, создавајќи успешен продукт препознаен на глобалниот пазар. Според претседателот Пендаровски ваквите успеси се најголема мотивација за младите да ги развиваат своите ИТ вештини и да се посветат на науката и иновациите, а во услови на глобална дигитализација, поддршката на иновациите во ИКТ секторот се од огромно значање за севкупниот економски развој на државата.

Главни корисници на оваа маркетинг-алатка се претприемачите и компаниите во рана фаза, растечките маркетари и креаторите на крипто проекти. Нивниот продукт успеал да стигне до 2.000 долари месечен прилив по еден месец од лансирањето, а по само пет месеци ја добиле најголемата странска иницијална инвестиција за софтверска компанија во Северна Македонија досега – 500.000 долари.

Прочитајте повеќе

Одбележана 4-годишнината од членството на Северна Македонија во НАТО (Видео)

Во Министерството за одбрана, денеска со свечена церемонија на која се обратија првиот вицепремиер за …