Тајани: Европа треба да го ограничи руското влијание на Балканот

Европа треба да го зголеми своето присуство на Западен Балкан за да го ограничи влијанието на Русија, изјави денеска италијанскиот министер за надворешни работи Антонио Тајани пред вториот ден од состаноците на НАТО во Букурешт. „Стабилноста на Западен Балкан е важна за мирот. Треба да ги запреме Русите на Западен Балкан, ни треба повеќе Европа“, рече Тајани, додавајќи: „Треба да ги заштитиме сите земји од Западен Балкан и блиски до Украина, бидејќи во овој момент е важно да работиме заедно, важно е единството и тоа е силна порака до Русија“.

НАТО ќе и помогне на Украина да ја обнови енергетската инфраструктура

Генералниот секретар на НАТО Јенс Столтенберг рече дека 30-члената алијанса денеска ќе разговара со Молдавија, Грузија и Босна и Херцеговина, земји „соочени со притисок од Русија“. „Ќе преземеме дополнителни чекори за да им помогнеме да ја заштитат својата независност и да ја зајакнеме нивната способност да се бранат“, рече тој, додавајќи дека во интерес на НАТО е да се обезбеди нивната безбедност.

Извор: Радио Слободна Европа