Талевски: ВМРО-ДПМНЕ ја замајува јавноста, нивни активисти се и напаѓачи и нападнати

• ВМРО-ДПМНЕ има проблем со сопствениот идентитет. Кое е тоа лицемерие да зборуваат за инцидентот што се случи, кога нивни активисти се и напаѓачи и нападнати, истакна пратеникот на СДСМ, Миле Талевски во емисијата „24 Анализа“ на ТВ 24.

Талевски запраша што ќе преземе ВМРО-ДПМНЕ за смирување на тензијата и вклучување во евроинтегративниот процес, дали ќе се дистанцира од овие личности и дали ги повикале на одговорност.

• Кога зборуваме за национализам во Бугарија, имаме во државата националистички партии кои декларираат, провенираат и презентираат нациоанализам во државата, тоа се Левица и ВМРО- ДПМНЕ како привезок на Левица, рече Талевски, додавајќи дека, Левица и ВМРО-ДПМНЕ се натпреваруваат кој ќе каже порадикални изјави и ќе преземе порадикални активности.

Талевски ги повика ВМРО-ДПМНЕ да се вклучат во евроинтегративниот процес, со оглед на тоа дека државата ја реализираше стратешката цел за членство во НАТО, а сега преостанува реализација на втората клучна стратешка цел – членството во ЕУ.

• Нема алтерантива на патот којшто е зацртан, ВМРО-ДПМНЕ треба да најде храброст и сила да гласа за уставните измени, со тоа се прави јасна дистинкција меѓу македонскиот и бугарскиот народ. Сега теба да преовлада разумот. И во ВМРО-ДПМНЕ има лица кои го сакаат евроинтегративниот процес, истакна пратеникот на СДСМ, Миле Талевски.