Томислав Томашевиќ од зелено-лева коалиција нов градоначалник на Загреб

Нов градоначалник на Загреб е Томислав Томашевиќ, активист и борец за јавниот интерес во главниот град на Хрватска, кандидат на зелено- левата коалиција „Можеме“. Во вториот круг што беше одржан вчера, 39- годишниот Томашевиќ освои речиси двојно повеќе гласови од противкандидатот од десното Татковинско движење, музичарот Мирослав Шкоро.

Градоначалник на Сплит во наредните 4 години ќе биде Ивица Пуљак од партијата Центар, прв човек на Осиек ќе биде Иван Радиќ од Хрватската демократска заедница, а најмногу гласови во Риека доби Марко Филиповиќ од Социјалдемократската партија.

Во вториот круг учествуваа по двајца кандидати кои во првиот круг освоија најмногу гласови.

Извор: Радио Слободна Европа