Тони Лазов освои сребрен медал на Шаховската олимпијада во Будимпешта

Тони Лазов освои сребрен медал за Северна Македонија на втората табла на 45. Шаховска oлимпијада во Будимпешта, како претставник на Шаховскиот клуб Алкалоид.

Лазов, кој е актуелен шаховски шампион во државата, освои 7,5 освоени поени од 8 одиграни партии. Односно, тој не изгуби ниту една партија, одигрувајќи само едно реми против велемајсторот Ван Форест Јорден. Тој победи во игрите против велемајсторите Јаник Пелетие и Пиорун Кацпер.

По бронзениот медал на Трајко Недев во 1996 година во Ереван, златниот медал на Драгољуб Јаќимовиќ во 2000 година во Истанбул и среброто на Владимир Георгиев од 2004 година во Калвија, ова е четврти пат еден македонски репрезентативец да се закити со медал на најголемото шаховско натпреварување.

„Честитки за Тони, му посакуваме успех и понатаму, и се надеваме дека наскоро ќе биде следниот наш шаховски велемајстор. И секако уште еднаш да не ја заборавиме целата екипа и стручниот штаб кои придонесоа за овој успех: ИМ Атанас Кизов (селектор), ВМ Евгени Романов, ИМ Тони Лазов, ИМ Никола Николовски, ИМ Емил Ристески и ФМ Антон Златков“, велат од Шаховската Федерација на Македонија.

Конечниот пласман на машката репрезентација е на 61, место во конкуренција со 189 репрезентации, а женската репрезентација е на 77. место во конкуренција со 170 репрезентации.

Извор: МЕТА