Три медали за џудистите на ЏК „Сеишин“ на меѓународниот турнир во Никшиќ, Црна Гора

Денеска во Никшиќ, Црна Гора, се одржа меѓународен турнир во џудо „Трофеј Никшиќ – 2022″.

На турнирот учествуваа над 400 џудисти од Македонија, Црна Гора, Босна и Херцеговина, Хрватска, Албанија и Словенија.

Со петмина натпреварувачи, учество на турнирот зеде и ЏК „Сеишин“ од Прилеп, кои освоија еден златен и два сребрени медали.

На турнирот во Никшиќ, Теодора Илиоска го освои првото место, додека Тамара Илиоска и Марко Ацески беа второпласирани.

Боите на ЏК „Сеишин“ ги бранеа и Марко Василески и Давор Најдоски, кои и покрај добрите борби, не успеаја да изборат место на пиедесталот.

Екипата на ЏК „Сеишин“ на меѓународниот турнир во Црна Гора ја водеше тренерот Мартин Ристески.

Прочитајте повеќе

Супербоул: Канзас Сити ја одбрани титулата во НФЛ

Екипата на Канзас Сити Чифс ја одбрани шампионската титула во НФЛ, откако ноќеска во Лас …