Тројца приведени, едно лице во бегство за нападот на полицаец во Велес

Три лица се приведени, а полицијата трага по уште едно лице во врска со нападот на 46 годишен полицаец пред цркавата „Св.Спас“ кај градските гробишта во Велес. Полицаецот кој се здоби со четири прострелни рани во абдоменот и една во колено, е вон животна опасност.

Полицаец застрелан со пет куршуми во Велес

Портпаролот на СВР Велес, Верољуб Додевски изјави дека полицаецот бил повреден со неговиот службен пиштол кој напаѓачот што е во бегство му го одзел и пукал во него. Инцидентот се случил додека полициски службеници преземале службени дејствија и биле физички нападнати од четирите лица.

Извор: Радио Слободна Европа