Утре, вторник 6.ноември со почеток во 19.00 часот, во големата сала на ЦК „Марко Цепенков“, ансамблот „Македонија“ ќе одржи целовечерен концерт. ќе одржи ансамблот Македонија, кој е репрезент на македонската традиционална култура.
Ансамблот е единствен во државата од ваков тип и работи со професионалци. Со него раководат стручни лица од областа на традиционалната игра, инструменти и пеење. Младите уметници достојно го претставуваат она што се нарекува минато, она што претставува духовна и материјална култура, со еден збор – генетски код на еден народ. Уметнички менаџер на ансамблот „Македонија“ е д-р Владимир Јаневски, а музички менаџер м-р Тимко Чичаковски.
Настапот на ансамблот Македонија е дел од годинашната програма на ЦК „Марко Цепенков“, која е поддржана од Министерството за култура. Влезот на концертот е слободен.