Ципрас: Во тешките преговори за името се наѕира перспективата за решение

Грчкиот премиер Алексис Ципрас во говор на годишното генерално собрание на Федерацијата на претпријатија на Грција изјави дека се наѕира перспектива за решение за името, но неопходни се натамошни преговори.

– Преговори со кои управувавме и продолжуваме да управуваме со чувство на одговорност и патриотизам. Но, и со решителност и верба во потребата за изнаоѓање решение – рече Ципрас.

Тој додаде дека сликата за Грција на меѓународен план полека се менува и се зајакнува, но за тоа се потребни смели и тешки одлуки. Според него, тоа може да се постигне ако се тргне настрана политичката цена, а предвид да се има интересот на земјата.

– Тоа се обидуваме да го сториме, работејќи на решение, затоа што веруваме дека можеме да ја вратиме водечката позиција на земјата на Балканот. Нешто што ќе има пошироки позитивни последици, не само на геополитички план, туку и во областа на економијата и претприемништвото, создавајќи една нова динамика за развој на нашиот регион, на Балканот, нова перспектива на соработка со сите земји од нашиот регион, а во исто време ќе ги запре аспирациите за економско и политичко владеење на други сили во поширокиот регион, како што е Турција, на пример – рече Ципрас.

Извор: МЕТА

Прочитајте повеќе

Одбележана 4-годишнината од членството на Северна Македонија во НАТО (Видео)

Во Министерството за одбрана, денеска со свечена церемонија на која се обратија првиот вицепремиер за …