Украинската војска ја презеде контролата над Балаклија, руските сили се повлекуваат

Украинската војска презеде целосна контрола над градот Балаклија во североисточниот регион Харкив, заедно со други постигнувања, откако започна контраофанзива на почетокот на овој месец. Војската на 10 септември преку Телеграм соопшти дека украинското знаме било подигнато во Балаклија и дека нејзините војници влегле во Купјанск, додека украинските сили се наоѓаат на периферијата на Лишанск и дека борбите продолжиле надвор од Лиман.

Најавите дојдоа откако руското Министерство за одбрана за прв пат од почетокот на контраофанзивата најави повлекување на своите сили од две области.

Портпаролот на Министерството за одбрана Игор Конашенков изјави дека војниците ќе бидат прегрупирани од областите Балаклија и Изум во регионот на Доњецк. Конашенков рече дека потегот е направен за „да се постигнат целите на специјална воена операција“, која бара „зголемување на напорите во насоката на Доњецк“.

Украинскиот претседател Володимир Зеленски во видео објавено од неговиот кабинет изјави дека руските сили донеле „добра одлука“ да се повлечат. Рускиот функционер во областа Харков, Виталиј Ганчев, ги повика жителите на областите кои претходно биле под нивна контрола да се евакуираат.

Извор: Радио Слободна Европа