Украински бранители се судрија со руските сили во Азовстал, сите цивили евакуирани

Украински бранители се судрија со руските сили во Азовстал, сите цивили евакуирани

Последните украински бранители во опколениот пристанишен град Мариупол се судрија со руските освојувачи кои бараат симболична победа пред празникот Денот на победата на 9 мај. Официјални лица од двете страни изјавија дека е завршена цивилната евакуација на фабриката за челик во Мариупол, иако судбината на преостанатите борци таму е нејасна.

Украинскиот претседател Володимир Зеленски денеска ќе одржи видео разговори со лидерите на Г7 за најновите случувања во борбата на Киев против неиспровоцираната руска инвазија. Украина се подготвува за нов интензитет на офанзивата на Москва по евакуацијата на цивилите од Мариупол.

Украинските власти синоќа потврдија дека сите жени, деца и постари лица се евакуирани од фабриката за челик во Мариупол, која со недели е под опсада од руските сили среде урнатините на пристанишниот град.

„Наредбата на претседателот е извршена: сите жени, деца и постари лица се евакуирани од Азовстал“, рече вицепремиерката Ирина Верешшук во изјавата на социјалните мрежи.

„Овој дел од хуманитарната мисија во Мариупол е завршен“, додаде таа без дополнително објаснување.

Евакуацијата од фабриката за челик Азовстал се интензивираше во последните два дена, иако Русија продолжи да го урива објектот и стратешкиот град, кој сега е главно во урнатини.

Русија се обидува да го заврши преземањето на регионот и да воспостави копнен мост меѓу Крим, кој незаконски го анектираше во 2014 годинани територијата под контрола на сепаратистите, поддржана од Москва во источна Украина.

Мариупол ги издржа најлошите борби во Украина откако руските трупи беа принудени да се повлечат од околината на Киев и другите градови на север.

Пред еден викенд, околу 200 цивили се криеја во огромна фабрика за челик заедно со околу 2.000 украински борци. Обединетите нации и Меѓународниот комитет на Црвениот крст се обидуваат да организираат евакуација од локацијата.

Извор: Радио Слободна Европа

Прочитајте повеќе

газа

Најмалку 60 загинати при израелски воздушни напади низ Појасот Газа

Во текот на изминатите две недели, Израел ја погоди опколената палестинска територија со жестоки бомбардирања, …