„Уметниците за 8.Март“ – манифестација во брзо сликање во Центарот за култура „Марко Цепенков“

Под  мотото „Уметниците за 8.Март“, во четврток на 8 март, од 11 до 13 часот, во ЦК„Марко Цепенков“ ќе се одржи традиционалната манифестација „Брзо сликање“, на која 8 уметници членови на Друштвото на ликовни уметници – Прилеп ќе сликаат по повод меѓународниот ден на жената.

Станува збор за креативна ликовна манифестација која се одржува по 9. пат, а со која се одбележува меѓународниот ден на жената. Според организаторот, ова е еден од начините на кој преку уметноста се покажува дека жените се творци и креатори во општеството.