„Урбана ревизија“ – презентација на анкетниот прашалник пред претседателите на урбаните и месните заедници

Вчера, во собраниската сала на Општина Прилеп, претставници на локалната самоуправа одржаа работна средба со претседателите на урбаните и месните заедници.

На состанокот се изврши презентација на анкетниот прашалник за изработка на алатката на Светска банка „Урбана ревизија“, чија цел е да се идентификуваат ресурсите кои ги поседува секое населено место во општината и со тоа да се идентификуваат потребите на граѓаните за основните општински услуги. Со овој процес ќе се направи опсежен преглед на можностите и потребите на граѓаните и ќе се дефинира рамка за нивна реализација согласно дефинираните приоритети.

По обработката на пристигнатите информации од месните и урбаните заедници, ќе следи процес на обработка на податоците од страна на Одделението за локален економски развој, кои понатаму ќе се преточат во нацрт-план кој ќе биде водич за Општината при подготовка на апликации за грантови или поволни кредити финансирани од Светска банка и други донатори.

На средбата се разговараше и за тековните проблеми на граѓаните за кои може да се интервенира во најбрз рок, како и за начинот на воспоставување на динамика за активна соработка на Општината со урбаните и месните заедници

Прочитајте повеќе

Одбележана 4-годишнината од членството на Северна Македонија во НАТО (Видео)

Во Министерството за одбрана, денеска со свечена церемонија на која се обратија првиот вицепремиер за …