Со прекрасни танци и ора, како репрезентативен дел од автентичната унгарска култура, синоќа на просторот околу Градскиот Саат се одржа„Унгарска вечер“, на којашто настапија оркестарот  „Фокош“ и ГФ „Селенце“.

Фолклорната група „Селенце“  е дел од културното друштво „Шандор Петефи“ од Бечеј, Војводина, припаѓа на елитното друштво фолклорни групи и редовно учествува на најзначајните смотри и натпревари во Војводина.

А, членовите на оркестарот „Фокош“ којшто е исто така од Бечеј, исклучително  свират унгарска народна музика.

Вечерта посветена на унгарската култура во Прилеп, се одржа во организација на центарот за култура „Марко Цепенков“, здружението на Унгарци, „Телехаз“ и амбасадата на Унгарија во Македонија. Предизвика интерес меѓу граѓаните, а во редот на почесните гости беше градоначалникот Илија Јованоски.