Во Битола приведени дилери на дрога од Прилеп

Синоќа во 22.15 часот од страна на полициски службеници од Отсекот за недозволена трговија со дрога и оружје, при Одделението за криминалистичка полиција од СВР Битола, на ул.„Довлеџик“ во Битола биле лишени од слобода С.Д.(48), С.М.(24) и С.А.(44), сите од Прилеп. При извршен преглед, кај нив, кај С.Д. биле пронајдени и одземени две пакувања хероин, амфетамини, како и поголем износ на пари.

Тројцата биле приведени во полициска станица и во координација со Јавен обвинител, по целосно документирање на случајот, ќе следува соодветна кривична пријава.