Во германската влада нема дилеми околу ЕУ перспективите на С. Македонија

Германската новинска агенција ДПА пишува дека во Берлин веќе нема дилеми околу напредокот на Северна Македонија кон ЕУ. Се поизвесно дека Албанија, поради политичката криза, ќе отпадне од пакетот.

И покрај критиките од конзервативната ЦДУ, германскиот министер за надворешни работи Хајко Мас и натаму се залага за отворање на пристапни преговори со Северна Македонија и Албанија. Притоа тој наведува дека одлука на таа тема нема да биде донесена на состанокот на министрите за надворешни работи на ЕУ следната недела.

„Сакаме да бидат отворени пристапни преговори со Северна Македонија и Албанија“, изјави политичарот од редовите на германските социјалдемократи во четвртокот.

Со оглед на отпорот на Франција кон таквиот чекор, Мас вели дека може и подоцна да се одлучи кога ќе се отвори можност да се убедат и скептичните држави.

Заменик-шефот на пратеничката група на ЦДУ во Бундестагот, Јохан Вадефул вели дека без оглед на ваквите ставови, парламентот дури на крајот на септември ќе и даде зелено светло на владата.
Притоа, тој искажува сомнеж дали Албанија, со оглед на внатрешно-политичките превирања, навистина е подготвена за почеток на преговори. Мас, пак, посочува на позитивното мислење на Европската комисија.

Холандскиот парламент во средата се изјасни за почеток на преговори со Северна Македонија, но не и со Албанија. Конечната одлука, ЕУ ќе ја донесе во октомври.

Канцеларката Ангела Меркел во четвртокот се сретна со македонскиот премиер Заев во Берлин. Позитивно изјаснување за оваа земја во германската влада е неспорно, затоа што владата во Скопје го реши деценискиот спор со Грција и прифати промена на државното име, пишува агенцијата ДПА.

Извор: DW

Прочитајте повеќе

Георгиева од ЗЛС

Георгиева од ЗЛС: Во мандатот на Филипче освен плата, приватните специјализанти добија и платени дежурства (ВИДЕО)

Пред 2018 година не постоеше никаков надоместок за приватните специјализанти, значи таа категорија на лекари …