Во недела Прилеп ќе биде домаќин на првиот меѓународен атлетски полумаратон

Во недела Прилеп ќе биде домаќин на првиот меѓународен атлетски полумаратон

Со организацијата на полумаратонот во должина од 21 километар и рекреативната трка на 5 километри, кои ќе се одржат во недела, 25 ноември низ улиците на градот, Прилеп влегува на атлетската карта на Македонија и поширокиот регион. Тоа е главната цел на организаторот на трките, Атлетско рекреативниот клуб „Лотус“ од Прилеп, кој трката која е од меѓународен карактер, ја организира во соработка со Општина Прилеп.

Во недела Прилеп ќе биде домаќин на првиот меѓународен атлетски полумаратон„Прилепскиот полумаратон се организира за прв пат и на него учество ќе земат околу 200 натпреварувачи од Македонија и државите од поранешна Југославија. Полумаратонот се трча 3 кругови по 7 километри низ улиците на Прилеп, а стартот е од пред ‘реклами’. Промотор на трката е државниот првак на Македонија во маратон, Александар Кираџиев. Од познатите имиња учество ќе земат македонскиот атлетичар Игор Јакимовски, Милош Микиќ од Црна Гора кој е еден од фаворитите на 5 километри, потоа Горан Христов, Тодор Анчев и Кристијан Наумовски“, изјави претседателот на АРК „Лотус“, Божидар Чаушоски.

Во недела Прилеп ќе биде домаќин на првиот меѓународен атлетски полумаратонЗа безбедноста на учесниците и за регулирање на сообраќајот, ќе се погрижат надлежните од Полициската станица од општа надлежност Прилеп и педесетина ученици од сообраќајната струка од СОУ „Ристе Ристески-Ричко“.

Почетокот на трката е закажан за 10 часот, додека медалите и признанијата на најдобрите ќе им бидат доделени во 14 часот.

АРК „Лотус“ е формиран на почетокот на оваа година и неговите членови досега учествувале на петнаесетина трки, од кои повеќето се одржувале надвор од државата.

Прочитајте повеќе

вакцина Вакцини грип корона

За само една недела бројот на грипозни пораснал за 61,7 отсто

Во текот на последната недела, пријавени се два смртни случаи асоцирани со грип. Се работи …