Во Прилеп одбележана 98 годишнината од раѓањето на Блаже Конески

По повод 98 годишнината од раѓањето на Блаже Конески, денеска пред неговиот споменик на платото пред ЦК „Марко Цепенков“, цвеќе положија градоначалникот Илија Јованоски, претседателот на општинскиот Совет, Миле Талевски и претставници на основното училиште од градот, кое го носи името на кодификаторот на современиот македонски јазик.

Претпладнето, учениците и вработените од ООУ „Блаже Конески“ ја посетија родата куќа на Конески во с.Небрегово, каде имаа литературно читање.

Блаже Конески е роден на 19 декември 1921 г, а почина на 7 декември 1993 г. Тој е истакнат македонски книжевен, културен и јавен работник, академик – прв претседател на Македонската акадамија на науките и уметностите (МАНУ), поет, прозаист, есеист, литературен историчар, филолог и јазичар, преведувач и професор на Филозофскиот факултет во Скопје.