Во Прилеп се одржа 12 Меѓународен турнир во џудо „ПРИЛЕП ГРАД ХЕРОЈ 2022 ЦЕВИТАНА КУП”

Во организација на ЏК „Сеишин“ Прилеп, вчера во спортската сала на СОУ „Ристе Ристески-Ричко“ се одржа 12 Меѓународен турнир во џудо ПРИЛЕП ГРАД ХЕРОЈ -2022 “ЦЕВИТАНА КУП”.

На турнирот учество зедоа 385 натпреварувачи од 43 клубови од 7 држави:

1. Македонија (14 клубови)
2. Грција (11 клубови)
3. Црна Гора (6 клубови)
4. Србија (4 клубови)
5. Бугарија (4 клубови)
6. Албанија (2 клубови)
7. Косово (2 клуба)

Спортската сала беше поставена според сите протоколи за натпревари од овој вид, а љубителите на џудото ја исполнија до последното место.

Борбите се одвиваа на 4 џудо борилишта, а правдата ја делеа џудо судии од нашата држава и од странство.

На големо задоволство на организаторот, по двегодишна пауза поради ковид пандемијата, турнирот се врати на голема врата и ќе биде запаметен како еден од најуспешните кои се одржале во Прилеп.

Согласно постигнатите севкупни резултати по возрасни категории, натпреварувачката комисија за најуспешни ги прогласи следните клубови:

Помлади пионери/ки: ЏК „Преспа“, Ресен;

Помлади пионери: ЏК „Бор“, Србија;

Пионери: ЏК „Црногорац“, Цетиње, Црна Гора;

Пионерки: ЏК „Сакура“, Катерини, Грција;

Кадети: ЏК „Велико Градиште“, Србија;

Кадетки: ЏК „Сакура“, Катерини, Грција.

Според бројот на освоени медали, севкупен победник на турнирот ЏК „Сакура“, Катерини, Грција.

На покана на организаторот, на турнирот беа присутни познати гости од сфетата на џудото, меѓу кои и Зоран Миловиќ, џудо мајстор 8 дан од Црна Гора и Бојан Миличевиќ, директор на маркетинг комисијата при Балканската џудо асоцијација.

Исто така, меѓународниот натпревар го проследи и претседателот на Џудо федерацијата на Македонија, Владимир Трпаноски.