Во среда во Крушево започнува меморијалниот турнир во мал фудбал „Сотир Мазар“

Во среда, 13.08.2025 година во 18 часот започнува меморијалниот турнир во мал фудбал „Сотир Мазар 2025“. Пријавен е максималниот број екипи и до петок ќе се играат по 4 натпревари дневно.

Сите натпревари ќе се играат на повеќенаменското игралиште на Гумење во Крушево.

Сотир Стојчески Мазар ненадејно почина на 23-ти април годинава на само 31 година. За да го зачуваат споменот за Сотир Мазар, неговите најблиски пријатели и школски другари ја започнаа иницијативата за организација на турнир во спортот кој Сотир страствено го следеше.

Покровители на турнирот се хотел „Панорама & спа“, „Иннен Декор“ и „Тагас Балкан“, а главен покровител е Општина Крушево. Поддржувачи на настанот со „Еурофарм аптеки“, „Макстил“ и „Кола“.