Во петок, 19 јули во 20 часот, во ликовниот салон на ЦК „Марко Цепенков“ ќе биде отворена меѓународната изложба „Уметност, меѓународна група и пријатели“, на која ќе бидат изложени дела од 15 уметници од Русија, Велика Британија, Бугарија, Србија, Италија, Германија, Романија, Македонија…
Изложбата е дел од годишната програма на Центарот за култура „Марко цепенков“, поддржана од Министерството за култура, а во соработка со Интернационалната уметничка група „Соло“ и Меѓународниот културен центар од Москва.
-Изложбата ги нагласува идеалите на пријателството и меѓународната соработка. Уметниците кои учествуваат на оваа меѓународна изложба ги споделуваат своите култури, јазик и традиции со уметници чии земји ги посетуваат. Универзалниот јазик на уметноста станува нивниот медиум за комуникација со сите. Уметноста обезбедува можности да создаде нешто ново од она што веќе постои; пренесува идеи од една културна средина во друга; се движи од минатото до денес во иднина. Силата на уметноста има волшебен допир кој воспоставува дијалог и покрај разликите во перспективата и начинот на размислување. Изложбата претставува уметнички дела на уметници од групата „Арт Интернационал” и пријатели на групата. Исто така, организирањето изложби во различни земји привлекува локални уметници во проектот, на кои исто така им се дава можност за заедничко учество во нашите идни изложби – велат од меѓународната група Арт интернационал.