Времето денеска најтопло годинава

Времето денеска во Македонија ќе биде сончево со мала до умерена облачност. Попладне ќе има услови за краткотраен локален дожд. Ќе дува слаб до умерен ветер од северен правец, вели прогнозата на Управата за хидрометеоролошки работи (УХМР).

Утринската температура се движеше од 8 до 12 Целзиусови степени, а дневната ќе изнесува од 22 до 31 степен, што е највисоката температура прогнозирана годинава за Македонија. УВ-индексот ќе изнесува 7.

Во Скопје ќе преовладува слично време, со температура од 11 до 28 Целзиусови степени.

Според УХМР, ќе продолжи периодот на топло време, во попладневните часови со умерен развој на нестабилна облачност и со локален краткотраен дожд и грмежи.

Извор: МЕТА