Времето денеска – облачно со врнежи од снег

Претпладне, времето ќе биде облачно со повремени врнежи кои на некои пониски места ќе се менуваат од дожд до снег. Во западните делови ќе се формира нова снежна покривка. Повремени слаби врнежи од снег ќе има и на повисоките делови од Скопската котлина. Во пладневните часови врнежите ќе престанат и облачноста ќе се намали. Ќе дува засилен ветер од северен правец, најизразен вдолж Повардарието. Максималната дневна температура ќе достигне 9 степени Целзиусови.