ПУБЛИКУМ Вистината на прво место
Министерството за внатрешни работи вчера спровело засилена акциска контрола на територијата на С. Македонија, за казнување возачи кои возеле со брзина поголема од дозволената, при што санкционирани се 138 возачи.
„Од нив, 13 возила се движеле со брзина над 50 километри на час повеќе од дозволеното, а пет возила се движеле со брзина над 70 километри на час повеќе од дозволеното. Притоа, 59 возачи ја пречекориле брзината во населено место, а 79 надвор од населено место“, информираат во МВР.
Засилените акциски контроли продолжуваат и во наредните денови.
„Апелираме до сите учесници во сообраќајот да ги почитуваат сообраќајните правила и прописи и заедничким да придонесеме за побезбедни патишта“, додаваат оттаму.
