Заев: Го исполнуваме ветувањето – во РЕК Битола започна постапката за набавка и вградување филтри вредни 20.4 милиони

Гостувајќи на битолската ТВ Тера, претседателот на Владата Зоран Заев зборуваше и за владините политики кои се однесуваат на градот Битола и битолчани:

„Донесовме одлука на Влада заработката на ЕД ЕСМ Електрани на Северна Македонија да биде  реинвестирана во енергетските објекти. Во РЕК Битола започна постапката за набавка и инсталација на електростатските филтри, инвестиција вредна 20.4 милиони евра. Тоа е најголемиот еколошки проект во кој државата со сопствени пари инвестира во екологијата. Го ветивме тоа на битолчани. Целта е од 100 единици честички да паднат на 20, како што кажуваат стручните луѓе“.

Заев потенцираше дека со парите од нето добивката што ги остварува РЕК Битола и АД ЕСМ, ќе се инвестира и во самите капацитети, во нови ископи, во редовните ремонти, во обновување на целата опрема.

„Завршивме со продукција на струја од трите блока кои работат од ноември. Целиот зимски период го покривме и тоа претставува еден нов квалитет. Првиот квартал се надминати сите параметри односно имаме 105% остварување на производството на електрична енергија. Тоа е важно за граѓаните бидејќи на крај тоа осигурува стабилна цена на струјата и стабилна испорака. Минатата година имаме продажба на електрична енергија за извоз од околу 21 милион евра, а во првиот квартал околу 2.4 милиони евра извоз“.

Премиерот Заев рече дека во минатото, 8 години не биле направени генерални ремонти иако обврска е тие да се прават на секои 3 години. Како резултат на таквото неодговорно раководење се случувале испади и дефекти, додека денеска се почитуваат стандардите заради што не се случуваат испади на блоковите.

„Оваа есен ќе почне да се гради системот за топлинска енергија кон Битола, Новаци и Могила, проект на KFW Банката, како што паралелно го носиме и гасот. Тоа е добро, ќе има конкурентност и граѓаните ќе можат да изберат што е подобро и поевтино. Битолчани ја имаат таа придобивка бидејќи го имаат РЕК Битола“, рече премиерот Заев .

Прочитајте повеќе

Одбележана 4-годишнината од членството на Северна Македонија во НАТО (Видео)

Во Министерството за одбрана, денеска со свечена церемонија на која се обратија првиот вицепремиер за …