Заев на средба со Комората на СЗМ: Изграденото партнерство и дијалог со бизнис заедницата добива нови перспективи со членството во НАТО

Во организација на Стопанска Комора на Северо-Западна Македонија денеска беше одржана работна средба со претседателот на Владата на Република Северна Македонија, Зоран Заев, министерот за земјоделство, шумарство и водостопанство, Љупчо Николовски и министерот за образование и наука, Арбер Адеми. Од страната на СКСЗМ беа присутни претседателот, Неби Хоџа, членови на Управниот и Надзорниот одбор на комората и неколку компании членки.

На средбата се разговараше за предизвиците со кои се соочува бизнис секторот, за владините мерки и политики за поддршка на бизнисот, за инвестициските можности што ги нуди нашата земја, а се разговараше и за актуелните проблеми на кои посочуваат компаниите во вршењето на дејноста на деловните субјекти, и за начините на нивно решавање.

Врвен приоритет на Владата на Република Северна Македонија е развојот на економијата на нашата земја и средбите од овој тип го потврдуваат изграденото партнерство и дијалог со бизнис заедницата што е важно во овој процес на градење доверба и соработка за овозможување на економски раст на земјата од кој бенефит ќе имаат сите.

Премиерот Заев се осврна на економскиот амбиент во земјата и на новите перспективи и инвестициски можности што се отвораат пред компаниите со членството во НАТО и започнувањето на преговорите со ЕУ, како и преку мерките за поддршка од економски политики кои значително го поддржуваат растот и развојот на конкурентноста на домашните компании.

Претседателот на СКСЗМ, Неби Хоџа порача дека јавно – приватниот дијалог што е воспоставен со Владата на Република Северна Македонија е важен за унапредување на соработката и за изнаоѓање на заеднички решенија кои ќе бидат во интерес на компаниите и на граѓаните на Северна Македонија.

Сите претставници од СКСЗМ имаа можност да постават прашања за теми што се од интерес на бизнис заедницата и за надминување на одредени состојби. Во рамки на оваа работна средба беа потврдени заложбите од двете страни за взаемна поддршка и соработка која ќе биде во функција на интензивирање на економскиот раст на земјата како важна цел за раст на приватниот сектор и подобрување на квалитетот на живот на граѓаните.

Прочитајте повеќе

полиција

Двајца приведени за убиството на лекарот во Железара

Две лица се приведени во врска со убиството на лекарот во скопската населба Железара, изјави …