Заев најави лидерска средба за утре попладне

Премиерот Зоран Заев од прес-конферецијата со еврокомесарот Јоханес Хан најави дека денеска почнуваат консултациите за свикување нова лидерска средба за надминување на разликите со опозицијата околу подготовките за референдумот на кој граѓаните треба да се изјаснат за Договорот со Грција и членството во ЕУ и НАТО.

– Сите треба да останеме посветени на овој момент, да помогнеме на овој процес, како што укажа еврокомесарот, пред се за доброто на граѓаните на Република Македонија, но и на нашите партнери во ЕУ, и затоа најверојатно утревечер ќе свикаме лидерска средба за да ги забрзаме процесите околу подготовката за престојаниот референдум – рече Заев.

Како што објасни премиерот, шефот на опозицијата, Христијан Мицкоски во четврток требало да патува, па затоа лидерската средба ќе се договара за утре попладне.

Извор: МЕТА

Прочитајте повеќе

Дизелот поскапува за 2 денара, бензините остануваат со истата цена

Регулаторната комисија за енергетика и водни услуги на Република Северна Македонија (РКЕВУ) донесе одлука за …