Заев: Нема да се урива споменикот на Александар Македонски

Премиерот Зоран Заев, во интервју за ТВ24, изјави дека споменикот на Александар Велики на централниот плоштад во Скопје нема да се урива и дека тоа не е ниту прашање во разговорите со Грција.

Сѐ што имаме ни е македонштината, но на граѓаните им требаат повеќе пари, подобар живот и затоа се надевам дека ќе има достоинствено решение за името со Грција, рече Заев.

Тој додаде дека „Грците имаат разбирање за тоа дека не треба да се чепка во идентитетот“, и нагласи дека референдум како дел од решавањето на спорот со името веројатно ќе има.

Премиерот Заев, заедно со вицепремиерите Радмила Шеќеринска и Бујар Османи денес на брифинг со новинарите ќе информираат за економската ситуација во Македонија, за реформите и за евроинтеграциите на Македонија.

Извор: Радио Слободна Европа

Прочитајте повеќе

Одбележана 4-годишнината од членството на Северна Македонија во НАТО (Видео)

Во Министерството за одбрана, денеска со свечена церемонија на која се обратија првиот вицепремиер за …