Заев оствари средба со словенечкиот претседател Пахор: Словенија и цела Европа поддржуваат почеток на преговорите за Северна Македонија

Претседателот на Владата на Република Северна Македонија Зоран Заев, на маргините на Бледскиот стратешки форум, оствари средба со претседателот на Република Словенија Борут Пахор.

Словенечкиот претседател Пахор на средбата го афирмираше ставот на неговата земја дека Словенија го поддржува европско проширување со земјите од Западен Балкан и очекува, со посредство и поддршка на словенечкото претседателство, да се најде прифатливо решение за блокираниот процес за интеграција на Северна Македонија во ЕУ.

Премиерот Заев и претседателот Пахор на средбата споделија дека лидерите постојат за да наоѓаат решенија и дека современото живеење и глобалните текови бараат храбри и мудри чекори од страна на политичките лидери на Европа.

Претседателот на Владата Зоран Заев потенцираше дека Европа препозна дека граѓаните на Северна Македонија покажаа храброст и ги прифатија европските вредности и дека земјата направи сѐ за да продолжи по европскиот пат напред.

Премиерот Заев ја поздрави определбата на Словенија за време на нејзиното претседателство со ЕУ да спроведе храбри одлуки и решенија во корист на проширувањето.

Двајцата соговорници на средбата, премиерот Зоран Заев и словенечкиот претседател Борут Пахор, истакнаа дека Словенија и цела Европа поддржуваат решение на предизвиците меѓу Бугарија и Северна Македонија и дека словенечкото претседателство е можност која треба да се искористи за наоѓање решение.

Прочитајте повеќе

Градоначалникот Христоски на средба со министерот Нуредини, се решава проблемот со крушевската депонија

Градоначалникот на општина Крушево, Томе Христоски присуствуваше на средба со министерот за животна средина и …