Запленети 91 килограм марихуана во Кичево, тројца приведени

Министерството за внатрешни работи (МВР) вчера во Кичево привело три лица од Скопје и запленило 91 килограм марихуана. Против тројцата, како и уште против три други лица, две од Струга и едно од Скопје, се поднесени кривични пријави.

Како што објасни портпаролот на МВР, Тони Ангеловски, марихуаната била набавена во Албанија, а требало со автомобил да биде транспортирана до Скопје. Притоа, полицијата откако добиле сознанија за шверцот, на влез во Кичево бил сопрен автомобилот „мерцедес“, а потоа и автомобилот што му бил претходница. Дрогата била во девет вреќи и во една патна торба.

По кривичните пријави, на тројца скопјани на возраст од 22 и 24 години, судија на претходна постапка им одредил притвори од по 30 дена. Еден од вмешаните во шверцот издржува казна во затворот во Струга и бил префрлен во „Шутка“. Полицијата трага уште по двајца 23-годишници – едниот од Скопје, а вториот од Струга.

Извор: МЕТА

Прочитајте повеќе

Георгиева од ЗЛС

Георгиева од ЗЛС: Во мандатот на Филипче освен плата, приватните специјализанти добија и платени дежурства (ВИДЕО)

Пред 2018 година не постоеше никаков надоместок за приватните специјализанти, значи таа категорија на лекари …