Цените на бензините од ноќеска поевтинуваат за три денари за литар

Регулаторната комисија за енергетика и водни услуги на Република Северна Македонија донесе одлука, со која се врши намалување на малопродажните цени на нафтените деривати во просек за 1,13 отсто во однос на одлуката од 11.07.2022 година.

Малопродажните цени на бензините од ноќеска на бензинските пумпи ќе поевтинат за три денари за литар.

Од ноќеска максималните цени на Еуросупер БС – 95 ќе изнесуваат 102,50 денари за литар, Еуросупер БС – 98 ќе чинат 104,50 денари за литар. Дизел горивото Еуродизел БС (Д-Е V) ќе може да се набави за 100 денари за литар, додека цената на екстра-лесното масло (ЕЛ-1) ќе остане 98 денари за литар. Мазут М-1 НС ќе се продава за 50,903 денари за килограм.

Курсот на денарот во однос на доларот во изминатиот период по кој беа формирани цените со претходната пресметка е повисок за 1,742 отсто.

Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 6,272 отсто, кај дизелот за 2,286 отсто, кај екстра лесното масло за 1,722 отсто и кај мазутот за 3,656 отсто.

Прочитајте повеќе

Ковачевски: ЕУ е нашата единствена алтернатива, заедно со ЕУ ќе ја пребродиме економско-енергетската криза

Премиерот Димитар Ковачевски заедно со лидерите од Западен Балкан денеска учествуваше и дискутираше на втората …