• Импресум
  • Контакт
  • Политика на приватност
Оди на...
    ПУБЛИКУМ ПУБЛИКУМ
    • Почетна
    • Македонија
      • Прилеп
      • Партиска хроника
      • Фејсбук статус на денот
      • Избрани твитер статуси
      • Писма од читатели
    • Глобус
    • Пари
    • Анализа
    • Интервјуа
    • Колумни
      • Чеге Вара
    • Магазин
      • Спорт
      • Техника
      • Авто-мото
    Оди на...

      Хан: Уверен сум дека преговорите со ЕУ ќе почнат следната година

      27/7/2018
      Македонија
      Хан: Уверен сум дека преговорите со ЕУ ќе почнат следната година

      Во разговор за европскиот весник „Политико Европа“, еврокомесарот за проширување, Јоханес Хан, вели дека е „уверен“ дека преговорите со Македонија и Албанија ќе почнат следната година.
      Во интервјуто Хан објаснува и дека со двете земји е почната подготвителната работа, што претходи на отворањето на преговорите со ЕУ.

      – Ова е многу комплетна работа и се надевам дека ќе можеме да ја завршиме за една година до 14 месеци. Целта е да се добие зелено светло од сите земји членки до средината на следната година – вели Хан потсетувајќи на агендата на Советот на ЕУ во јуни 2019 година да се наврати на почетокот на преговори со Македонија и Албанија, кога земјите членки треба да дадат зелено светло доколку поставените услови се исполнети.

      За Македонија тие услови се однесуваат на реформата на безбедносните служби, јавната администрација и борбата против корупцијата, вклучително и високиот криминал.

      Еврокомесарот се наврати и на француската блокада на проширувањето, која ги иритираше повеќето земји членки и Европската Комисија.

      Францускиот претседател, Емануел Макрон, смета дека не може ЕУ да се проширува пред самата реформски да се продлабочи, аргумент на кој Хан одговара дека процесите можат да одат паралелно. Еврокомесарот потсетува дека граѓаните на Западниот Балкан „имаат право да станат ЕУ граѓани“ и дека ЕУ се „соочува со избор дали ќе извезува стабилност во регионот или ќе увезува нестабилност во ЕУ“.

      -Мојата поента е можеби малку поразлична од претседателот Макрон, можеби можеме да го убедиме дека двете работи мора да се прават паралелно – вели Хан за „Политико Европа“.

      Едно од предупредувањата на Хан зошто ЕУ треба да се рефокусира на Балканот е што другите големи сили сѐ повеќе се вртат кон Балканот. Иако најчесто во тој контекст се споменува Русија, еврокомесарот потсетува и дека кинеските инвестиции се сѐ поголеми.

      Хан алармира дека земјите во регионот би можеле да станат „тројански коњи“ на Пекинг, што еден ден ќе станат членки на ЕУ. Еден од примерите кои ги наведува Хан е изградбата на автопат во Црна Гора, финансиран од Кина.

      – Мислам дека треба да бидеме внимателни на стратегискиот концепт на Кина и да реагираме на соодветен начин, мислам дека ова ќе биде еден од големите предизвици на Европа – вели Хан.

      Извор: МЕТА

      Споделете :
      • Facebook
      • Twitter
      Четврток 2 август е неработен ден за сите граѓани
      Следно
      Четврток 2 август е неработен ден за сите граѓани
      ДИЖС: Печката за медицински отпад во „Дрисла“ не загадува
      Претходно
      ДИЖС: Печката за медицински отпад во „Дрисла“ не загадува

      Слично

      • 21/2/2019

        Русковска: Целата структура на ВМРО-ДПМНЕ била во функција на настаните

        Русковска: Целата структура на ВМРО-ДПМНЕ била во функција на настаните од 27 април
        21/2/2019

        За една недела, 30 отсто повеќе заболени – вкупнo 2.943

        За една недела, 30 отсто повеќе заболени – вкупнo 2.943 нови лица со грип
        21/2/2019

        Како ВМРО-ДПМНЕ го практикуваше непотизмот во Кочани?

        Како ВМРО-ДПМНЕ го практикуваше непотизмот во Кочани?
      • “Глогов колец“ во срцето на СЈО
        “Глогов колец“ во срцето на СЈО
        19/2/2019
      • Кривогаштани: Одговорност за вработените во локалната самоуправа заради лажно прикажување на финансискиот долг
        Кривогаштани: Одговорност за вработените во локалната самоуправа заради лажно прикажување на финансискиот долг
        18/2/2019
      • На подрачјето на Прилеп, МВР спроведе зајакната акциска контрола за откривање на возачи под дејство на алкохол
        На подрачјето на Прилеп, МВР спроведе зајакната акциска контрола за откривање на возачи под дејство на алкохол
        18/2/2019
      Дозволено е превземање со наведување на изворот и линкување. 2016 Публикум МЕДИА