Министерот задолжен за дијаспора, Едмонд Адеми утре, среда 11 декември, во Букурешт ќе ја открие спомен бистата на реномираниот македонски сликар, Никола Мартиноски.
Откривањето на бистата се случува три дена по 8 декември, Денот на македонскиот јазик во Романија, кој благодарение на истрајноста на македонската дијаспора во оваа земја и одлуката на романскиот парламент, претставува значаен датум за зачувување на традициите, културата и јазикот на македонското етничко малцинство во Романија.
Бистата на Никола Мартиноски ќе биде поставена во паркот Михаил Први, на просторот каде се сместени споменици на врвни имиња од светот на уметноста, книжевноста, филозофијата, политиката и други умови на човековото наследство.