Од ноќеска цените на нафтените деривати пониски за 3.5 денари за литар

Регулаторната комисија за енергетика соопшти дека во согласност со методологијата која се користи за пресметка на цените, малопродажните цени на горивата се намалуваат во просек за 5.28%, односно цената на ЕУРОСУПЕР-95, ЕУРОСУПЕР-98 и ЕУРОДИЗЕЛ горивата се намалуваат за по 3.5 денари.

Тоа значи дека еден литар ЕУРОСУПЕР-95 ќе чини 71.00 денари, ЕУРОСУПЕР-98 ќе се продава по 73.00 денари за еден литар, а ЕУРОДИЗЕЛ ќе чини 63.00 денари.

Новите цени стапуваат на сила вечерва на полноќ.