Преку денот сончево, од ноќеска врнежи од снег и пад на температурата

Денеска ќе преовладува сончево време со мала локална облачност. Кон крајот на денот во западните делови облачноста ќе се зголеми. Во текот на ноќта во западните и северните делови ќе има локални врнежи од снег. Ќе дува слаб, а во западните делови умерен ветер претежно од западен правец.

Под влијание на влажен и студен бран, во вечерните и ноќните часови во западните делови ќе има врнежи од снег. Врнежите ќе продолжат и утре, особено претпладне кога ќе се прошират и во останатите делови. Пообилни врнежи ќе има во западните подрачја и насекаде ќе се формира снежна покривка, а на планините таа ќе се зголеми. Помала снежна покривка ќе се формира и во останатите делови, освен во централните подрачја и во долниот тек на Повардарието. Заради ниските температури, ќе има појава на голомразица. Ќе дува засилен северен ветер, Потоа во следните денови ќе се задржи променливо облачно, студено и ветровито време со повремен локален снег. Дневните температури на повеќе места ќе бидат под нулата.