Дневни температури над нулата, во вторник врнежи од снег

Денеска ќе преовладува умерено до значително облачно време, освен на запад каде ќе биде сончево. Попладне облачноста ќе се намали. Вдолж Повардарието и во источните делови ќе дува слаб до умерен северен ветер. Дневната температура ќе се движи во интервалот од 2 до 12 степени над нулата.

Во текот на утрешниот ден ќе има локални врнежи од снег. Ќе дува засилен северен ветер, што повторно ќе ја намали дневната температура. Нов влажен бран со врнежи од дожд и снег ќе преминува над територијата на нашата држава во вторник.