Министерот Хасан на средба со Стопанската комора на Истанбул

Министерот без ресор задолжен за странски инвестиции, Елвин Хасан е во работна посета на Република Турција, чија цел е остварување средби со потенцијални инвеститори и привлекување нови инвестиции. Вчера министерот оствари средба со претседателот на Стопанската комора на Истанбул, г-дин Шекиб Авдагич.

Стопанската комора на Истанбул беше основана во 1882-ра година, кога Османлиската држава одлучи сите претставници на индустрискиот сектор да се во една институција. Денес, Стопанската комора на Истанбул е една од најголемите стопански комори во светот, со регистрирано членство од 350.000.

На средбата министерот Хасан ги презентираше поволностите кои нашата земја ги нуди за инвестирање, владините мерки и политики кои обезбедуваат поддршка на странските компаниите за реализација на успешен бизнис. Меѓу другото, министерот на првиот човек на Стопанската комора на Истанбул, му упати покана за возвратна посета.