Црвен крст и Општина Аеродром доделија пакети за социјално загрозени семејства

Мобилни тимови од Општина Аеродром и Црвен крст денеска посетија повеќе социјално ранливи семејства од општината и им доделија пакети со неопходните прехранбени продукти.

Општина Аеродром и градоначалникот Златко Марин им се заблагодаруваат  на фирмата „Душегупчани“ за донацијата, како и на тимовите на волонтери за тоа што покажаа висока општествена одговорност и им излегоа во пресрет на оние лица на кои им е неопходна помош.