Поевтинуваат дизелот и 95-октанскиот бензин за 3 денара, 98-октанскиот бензин за 1,5 денар

Според најновата одкука на Регулаторната комисија за енергетика и водни услуги на Република Северна Македонија (РКЕВУ), од полноќ горивата ќе поевтинат. Ова е трето последователно поевтинување на горивата за малку повеќе од една седмица, а и најновото поевтинување, кое важи од првата минута во утрешниот ден, е речиси исто по износ колку претходните (Тука и тука).

Односно, од полноќ, дизелот ќе биде поевтин за три денара по литар, и ќе чини 90 денари.

Бензинот ЕУРОСУПЕР 95 ќе поевтини исто така за три денара по литар, и ќе чини 88,5 денари, а ЕУРОСУПЕР 98 поевтинува за 1,5 денар и ќе чини 90,5 денари за литар.

Поевтинување има и кај нафтените деривати за затоплување, па екстра-лесното масло за домаќинство поевтинува за 2,5 денари за литар и ќе чини 85,5 денари, а мазутот ќе поевтини за 1,438 ден/кг и од полноќ ќе се продава за 44,5 денари за килограм.