Апликацијата Мој ДДВ уште не функционира за дел од корисниците, се чека одобрување од Google

Управата за јавни приходи, ги информира корисниците на апликацијата МојДДВ, дека ќе може да се вратат на напредниот скенер на скенирање на фискални сметки.

„Прилагодената верзија на Мој ДДВ е веќе достапна на Apple appstore, додека Android верзијата е достапна на Huawei app Gallery а за Playstore се очекува во најбрзо време одобрување од страна на Google“, објави УЈП.

Корисниците на апликацијата МојДДВ ќе треба првин да направат ажурирање (update) на апликацијата на apple Appstore/Huawei gallery, а потоа да се најават во апликацијата во делот „Профил“ во прозорчето „Тип на баркод скенер“ наместо, „основен“ повторно да одберат „напреден“.

Од УЈП исто така соопштија дека веќе ја почнале исплатата на средства за корисниците кои скенирале фискални сметки во второто тромесечје, односно, во месеците април, мај, јуни 2022 година, и по тој основ на сметките ќе бидат исплатени 550 милиони денари, како поврат од МојДДВ.

Прочитајте повеќе

И годинава ниту еден македонски универзитет меѓу најдобрите илјада на Шангајската листа

Објавено е Академското рангирање на светските универзитети за 2022 година од страна на организацијата „ShaghaiRanking …