Брифинг за активностите на армиските единици ангажирани во услови на вонредна состојба

Брифинг за активностите на армиските единици ангажирани во услови на вонредна состојба

Претседателот на Република Северна Македонија и Врховен командант на вооружените сили Стево Пендаровски денеска одржа состанок со Началникот на Генералштабот на Армијата на Република Северна Македонија генерал-потполковник Васко Ѓурчиновски.

Генералот Ѓурчиновски го брифираше претседателот за ангажманот на припадниците на Армијата на целата територија на државата во справувањето со последиците од епидемијата на ковид-19, во услови на прогласена вонредна состојба.

Претседателот беше информиран и за проширените активности на Армијата во соработка со полициските сили, како и за поддршката што Армијата ја дава на цивилните структури, здравствените работници, Црвениот крст, Центарот за управување со кризи, Дирекцијата за заштита и спасување и локалната самоуправа.

Составен дел на денешниот брифинг беше и ангажманот на Армијата на јужната и северната граница на земјата, каде армиските единици заедно со полициските сили се ангажирани за справување со потенцијално зголемен наплив на мигранти и бегалци како дел од „Балканската рута.“

Прочитајте повеќе

Почина Стојан Андов, првиот претседател на Собранието по осамостојувањето

Почина Стојан Андов, првиот претседател на Собранието по осамостојувањето

На првите повеќепартиски избори во 1990 година е избран за собраниски пратеник. Претседател на Собранието …